मन दरवळणारे अत्तर
मन प्रश्नांचे त्या उत्तर
मन क्षितिज विस्तारांचे
मन पटल विचारांचे
मन फडफडणारी आशा
मन तडफडणारा मासा
मन तळ्यात, मन मळ्यात
मन तळ्या-मळ्याच्या बुचकळ्यात
मन बुडबुडा विचारांचा
मन विचार तव स्वप्नांचा
मन कासाविस उसासे
मन निश्चिंत जरासे
मन हळवे कातरवेळी
मन चिंतांची जाळी
मन मातीविण मळके
मन कधी कधी जळके
मन मोहाचे साधन
मन लालसेचे वाहन
मन निर्मळ जळ
मन मैलभर मळ
मन भास की आभास
मन नुसताच विरोधाभास
मन कळतं, न कळतं
मन कळतं नकळत
-कायांप्रि
Comments
Post a Comment